18:07

Ukrayna Prezidenti Vladimir Zelenski və ABŞ Prezidenti Donald Tramp telefon danışığı aparıblar.

Axar.az xəbər verir ki, bu barədə Ukrayna Prezidenti Ofisinin rəhbəri Andrey Yermak məlumat yayıb.

O bildirib ki, bu təşəbbüs ABŞ-ın Ukraynaya bəzi əsas hərbi yardım növlərinin tədarükündə yaranmış fasilə fonunda baş tutub.

“Çox vacib və məzmunlu bir söhbət olub. Bu barədə ətraflı məlumat tezliklə veriləcək”, – deyə Yermak qeyd edib.

“Axios” nəşrinin müxbiri Barak Ravid adı açıqlanmayan mənbəyə istinadən yazıb ki, Tramp və Zelenski arasında telefon danışığı təxminən 40 dəqiqə davam edib və "söhbət yaxşı keçib".