Ukraynada ABŞ Prezidenti Donald Trampın 14 iyul bazar ertəsi bəyanatından sonra vəziyyətin dəyişəcəyinə inanmırlar.

Axar.az xəbər verir ki, bu barədə "Bild" qəzeti mənbələrə istinadən məlumat yayıb.

"Son aylarda Trampı Putinin sülh istəmədiyinə və zərbə vurmağa davam edəcəyinə inandırmaq üçün mümkün olan hər şeyi etməyə çalışdıq. Ümid edirəm ki, Tramp nəhayət bunu başa düşəcək", - mənbə bildirib.

Nəşr qeyd edib ki, Trampın "Rusiya ilə bağlı əsas bəyanatı" çoxlu suallar yaradıb.

Qeyd edək ki, ABŞ prezidenti NBC telekanalına müsahibəsində bazar ertəsi üçün "Rusiya ilə bağlı əsas bəyanat" hazırladığını bildirib.