Güney Azərbaycandan olan və İraqda İŞİD terrorçularına qarşı savaşan gəncin videosu sosial şəbəkədə yayılıb.

Axar.az SizinYol-a istinadla xəbər verir ki, əsgər hərbi maşınla İŞİD-in işğal etdiyi Fəllucə şəhərinə daxil olub. Fəllucədə İŞİD-çilərə qarşı döyüşə gedən gəncin hərbi maşında Azərbaycan dilində oxunan mərsiyəyə qulaq asması diqqət çəkib. Mərsiyə "Sənə qurban, sənə qurban, mən qapında sailəm, sən mənə sultan, aqibət sənin yolunda verərəm can" sözləri ilə başlanır.

Azərbaycanlı gənc digər könüllülərlə birgə İŞİD-çilərə ağır zərbə endiriblər. Şəhər küçələri terrorçuların cəsədləri ilə dolub. Hazırda Fəllucə şəhərinin tam azad edildiyi bildirilir.