Avropa Birliyinin Rusiyaya qarşı yeni sanksiyaları Rusiyanın ən böyük şirkəti “Rosneft”in Hindistanın neft emalı zavodundakı payını satmasına mane ola bilər.

Axar.az xəbər verir ki, bu barədə “Blumberq” agentliyi məlumat yayıb.

Qeyd olunur ki, “Nayara Energy”yə məxsus “Vadinar” neft emalı zavodu AB-nin yeni məhdudiyyətləri altına düşüb. Bundan əlavə, AB Rusiya neftindən alınan neft məhsullarının idxalına qadağa qoyub. “Rosneft” “Nayara Energy”nin 49,13%-nə sahibdir.

Nəşrin yazdığına görə, Rusiya şirkəti sanksiyalara görə gəlirlərini geri ala bilmədiyi üçün Hindistan müəssisəsindən çıxmağa çalışır. Həmçinin, rupi konvertasiya olunmayan valyutadır və Hindistan kapitalın çıxarılmasını məhdudlaşdırır.