Dadına, müalicəvi xüsusiyyətlərinə və pəhriz xassələrinə görə əvəzolunmaz meyvələrdən biri də xurmadır.

Axar.az xəbər verir ki, xalq təbabətində xurmanın quru yarpaqlarının əzilmişi qankəsici və sidikqovucu kimi istifadə olunur. Xurmanın şirəsi bakteriyaları öldürmə qabiliyyətinə malikdir. Bu meyvə mədə pozğunluğunda pəhriz vasitəsi kimi də istifadə olunur.

Keçmişdə sinqa xəstəliyində xurmanı profilaktika və müalicə vasitəsi hesab edirdilər.

Xurma, xüsusilə, uzun sürən xəstəlikdən sonra məsləhət görülür. Tərkibindəki bol miqdarda beta-karotin olmasına görə dəri üçün də çox faydalıdır. Daha çox natrium, kalsium, manqan və dəmirlə zəngindir. Onların sayəsində xurma bədəni toksinlərdən və şlaklardan təmizləyir.