İrkutskda "Yemişan" adlı spirt tərkibli məhluldan zəhərlənərək xəstəxanaya yerləşdirilən 28 nəfərdən biri də dünyasını dəyişib.

Axar.az xəbər verir ki, bu haqda məlumatı vilayətin Səhiyyə Nazirliyinin nümayəndəsi verib.

Daha öncə hüquq-mühafizə orqanlarındakı mənbə bu gün səhər – 20 dekabr tarixində artıq 53 nəfərin öldüyünü, 77 şəxsin ağır vəziyyətdə olduğunu açıqlamışdı.

Xatırladaq ki, dünən Rusiyanın Baş naziri Dmitri Medvedyev hökumətə spirt tərkibli qeyri-qida məhlullarının pərakəndə ticarətdən yığışdırılması və müvafiq olaraq yeni qanunun qəbulunun təmin edilməsi üçün bütün zəruri tədbirləri görməyi tapşırıb.