Çöpçülər, falçılar, cin çıxardanlar, dua yazanlar, ekstrasenslər alternativ təbabətin biliciləri kimi təqdim olunur. Alternativ təbabət belə olmur.

Axar.az xəbər verir ki, bu sözləri pediatr Vaqif Qarayev efirdə alternativ təbabət adı ilə fırıldaqçıların reklam edilməsindən danışarkən deyib. V.Qarayev bildirib ki, bu onsuz da savadsız olan kütləni daha da cahilləşdirir:

“Efirdə cin çıxarırılar. Bu dəfə cinin özünü də göstərirlər. Ekspert qismində studiyada oturan tanınmışlar da cinə heyrətlə baxır. Çöpçülər, falçılar, cin çıxardanlar, dua yazanlar, ekstrasenslər alternativ təbabətin biliciləri kimi təqdim olunur cahil kütləyə. Alternativ təbabət belə olmur. İlin-günün bu vaxtında cahillik niyə təbliğ olunur? Məncə, spontan alınmır bu məsələ, ortada bir qəsd görünür. Sanki TV-lər bunu qəsdən edir. Ən pisi odur ki, özünü ali təhsilli hesab edənlər də bu "sənət" sahiblərinə inanır”.