Noyabrın 1-dən etibarən İsrailin Bioloji Tədqiqatlar İnstitutu koronavirusa qarşı peyvəndin sınaqlarına başlayacaq.

Axar.az xəbər verir ki, bu barədə İsrail Müdafiə Nazirliyi məlumat verib.

Məlumata əsasən peyvənd öncə 80 nəfərlik bir qrup üzərində sınaqdan keçiriləcək. Əgər onlar peyvəndə yaxşı reaksiya verərsə, dekabrda sınaqlarda 960 könüllü iştirak edəcək. Son mərhələdə isə - gələn ilin aprelindən may ayınadək 30 min nəfər sınaqdan keçiriləcək.

Testlər Qüdsdəki Hadassa Xəstəxanasında və Təl-Əviv yaxınlığındakı Şəba Tibb Mərkəzində aparılacaq. Peyvəndin təsirli və təhlükəsiz olduğu aşkar edilərsə, istifadə üçün təsdiqlənəcək.

Qeyd edək ki, Bioloji Tədqiqat İnstitutu gəmiricilərdə COVID-19 əleyhinə bir peyvəndin sınaqlarının artıq uğurlu olduğunu elan edib.