"Əgər siz siqareti atmaq istəyirsinizsə, o zaman bunu həyatınızdakı hər hansı dəyişikliklə üst-üstə salmağınız məsləhətdir".

Axar.az xəbər verir ki, bunu Odessa krizis media mərkəzinin işçisi, həkim Olqa Zamnyukova söyləyib.

Onun sözlərinə görə, tütün məhsullarının qiymətinin bahalaşması da siqaretlə mübarizəyə yardım edir:

"Siqareti birdəfəlik atmaq olmaz. Lakin bununla yanaşı, siqareti atmaq prosesini də uzatmaq lazım deyil. Mayın 31-i Ümumdünya tütünlə mübarizə günü kimi qeyd olunur. Hər il 6 milyona yaxın insan siqaretlə bağlı müxtəlif xəstəliklərdən dünyasını dəyişir. Onlardan 5 milyon adam özü siqaret çəkir, 1 milyonu isə passiv siqaret çəkənlərdir. Nikotindən daimi istifadə stimullaşdırıcı təsir göstərir. Lakin zaman keçdikcə nikotin bir çox xəstəliklərə, xüsusilə də tənəffüs orqanları xəstəliklərinə gətirib çıxardır".