Xəstəliklər sizi intihara sövq edir? Səhhətinizlə bağlı yaranan hər xırda problemdə özünüzü bədbəxt hiss edirsiniz? Elə isə, uğurlu və məşhur insanlardan nümunə götürün. Hər gün böyük rəğbətlə mavi ekranlarda izlədiyimiz məşhurlar heç də göründükləri qədər sağlam və xoşbəxt deyillər.

Axar.az sağalmaz xəstəlikdən əziyyət çəkən məşhurlar haqda yazını təqdim edir:

Ancelina Coli – Onkoloji

Bir neçə il öncə aktrisa öyrəndi ki, xərçəngə tutulma ehtimal var. Bundan sonra mətbuatda yayılan xəbər bütün dünyanı şoka saldı: "Coli hər iki süd vəzisini əməliyyatla çıxartdırdı". Bunun səbəbi isə xərçəng riskinin məhz bu orqanlarda daha yüksək olması idi. Sonradan aktrisa anasının, xalasının və nənəsinin xərçəng xəstəliyindən dünyasını dəyişdiyini bildirəndə pərəstişkarları onun bu qorxusunu başa düşdülər.

Tom Kruz – Disleksiya

Tom Kruz üçün imzaladığı müqavilələri oxumaq qeyri-mümkün bir şeydir. Bunun səbəbi isə yaraşıqlı aktyorun disleksiya xəstəliyindən əziyyət çəkməsidir – o, yazmaq və oxumaqdan məhrumdur. Bu xəstəlik qətiyyən zəif əqli zəka və ya istedadsızlıqla bağlı bir şey deyil. Əksinə, statistikaya görə bu xəstəliyə, adətən, yüksək intellektli adamlar tutulur. Tom hərfləri bir-birindən ayıra, onların birgə hansı mənanı ifadə etdiyini müəyyənləşdirə və yazı yaza bilmir.

Yeri gəlmişkən, xatırladaq ki, bu xəstəlikdən Uinston Çörçill, Leonardo da Vinçi, Vladimir Mayakovski, şahzadə Viktoriya kimi məşhurlar da əziyyət çəkib.

Kim Kardaşyan – Sədəf xəstəliyi

Bütün dünyada öz çılpaq fotoları ilə məşhurluq qazanan Kim Kardaşyan uzun müddət dəri xəstəliyini ictimaiyyətdən gizləməyə müvəffəq olmuşdu.

Amma son zamanlar xanım Kim fəxr etdiyi bədəni ilə problemlər yaşayır. O, sədəf xəstəliyindən əziyyət çəkir. Bunu ilk olaraq özü etiraf edib: "Mən bilmirəm ki, bu xəstəliklə necə mübarizə aparım. Əlimdən gələn hər şeyi etdim".

Tom Henks – Diabet

Həkimlər əfsanəvi aktyor Tom Henksə şəkərli diabet diaqnozu qoyublar. Devid Lettermanın verilişində qonaq olan Henks ilk dəfə bunu canlı yayımda etiraf edib. Onun sözlərinə görə, o, 36 yaşından şəkərli diabetdən əziyyət çəkir.

Aktyor müəyyən pəhrizlər saxladığını, xəstəliyə qarşı mübarizə apardığını qeyd etsə də, bununla yanaşı, heç vaxt bu xəstəlikdən canını qurtara bilməyəcəyini dərk etdiyini də dilə gətirib.

Maykl Cey Foks - Parkinson

"Keçmişə dönüş" filmi ilə böyük şöhrətə qovuşan yaraşıqlı aktyor Cey Foks parkinson xəstəliyindən əziyyət çəkir. Maykl ayaqlarının onun sözünə qulaq asmadığını hiss edəndə dərhal həkimə müraciət etdiyini və həkimlərin qoyduğu diaqnozdan şoka düşdüyünü deyir.

Xəstəliyindən xəbər tutandan sonra aktyor uzun müddət kinematoqrafiyadan uzaqlaşır. Aldığı müalicədən sonra vəziyyətinin yaxşılaşması onu yenidən kinoya qaytarır.