Elm dünyasında dedi-qodu zamanı özünü pis hiss edənləri sevindirəcək xəbər yayılıb.

Axar.az xəbər verir ki, bir ingilis alim uzun araşdırmalardan sonra insan övladının heç cür imtina edə bilmədiyi dedi-qodu vərdişinin sağlamlığa xeyir olduğu nəticəsinə gəlib. Oksford Universitetində təkamül psixologiyası sahəsində çalışan professor Robin Dunbar dedi-qodunun insanı həyatı üçün ən önəmli şey olduğu qənaətindədir.

İngilis "Teleqraf" qəzetinə açıqlama verən alim sosial şəbəkələrin insanların xoşbəxtlikləri və səhhəti üzərində ciddi təsiri olduğunu söyləyib: "Problem sosial şəbəkələrdəki hesablarımızı necə idarə edəcəyimizə bağlıdır. Dedi-qodu edərkən insanlarla söhbət edir, içində yaşadığımız sosial dünya ilə mütəmadi təmasda oluruq. Dolayısı ilə dedi-qodu bizi insan edir. Ayrıca demək istəyirəm ki, dedi-qodu XVIII əsrə qədər mənfi xüsusiyyət sayılmırdı".