Axar.az
Yuxarı

Axar.Az Logo

Əhalinin 12 faizi Hepatit C virusuna yoluxub

Ana səhifə Sağlıq
12 Punto 14 Punto 16 Punto 18 Punto

Səhiyyə Nazirliyinin dəstəyi ilə Bakıda 12-15 sentyabr tarixlərində XIII Beynəlxalq Avrasiya Cərrahiyə və Qastroenterologiya Konqresi keçirilib.

Konqresdə Səhiyyə Nazirliyinin və ATU-nun səlahiyyətli şəxsləri, habelə 22 ölkədən dəvət olunmuş cərrahiyə və qastroenterologiya üzrə mütəxəssislər iştirak ediblər.

"Axar.az"ın əldə etdiyi məlumata görə, konfransda iştirak edən Azərbaycan nümayəndə heyəti ölkə əhalisinin 12 faizinin Hepatit C virusuna yoluxduğu haqda hesabat verib. Bu rəqəm isə nəinki Avropada, hətta MDB ölkələrindən belə dəfələrlə çoxdur.

Məsələ ilə bağlı Səhiyyə Nazirliyi mətbuat xidməti ilə əlaqə yaratdıq. Nazirliyin sözcüsü Anar Qədirli saytımıza verdiyi açıqlamada Konqresdə Azərbaycan tərəfinin verdiyi hesabatdan xəbərsiz olduğunu bildirərək, konqresin əsas təşkilatçlarından olan M.A.Topçubaşov adına Klinik Cərrahiyə Elmi-Tədqiqat İnstitutu ilə əlaqə yaratmağımızı məsləhət bildi.

Elmi-Tədqiqat İnstitutunun Esmira adlı əmkdaşı institutun səlahiyyətli şəxsi ilə danışmaq istəyimizi cavabsız qoydu. Amma sualımızı müdiriyyətə çatdıracağına söz Verdi, cavabsa ala bilmədik.

Bu sahədə mexanizm yoxdur

Tibb üzrə ekspert Aqil Qeybullanın fikrincə, ölkədə Hepatit C virusunun kütləvi yayılmasına səbəb bu sahədə nəzarət mexanizminin olmamasıdır:

"Bizdə Hepatit C, B kimi viruslar geniş yayılıb. Çünki pərakəndəlik hökm sürür, nəzarət mexanizmi yoxdur. Stomotoloqlar, bərbərxanalar istədikləri kimi nəzarətsiz şəkildə fəaliyyət göstərirlər. İndi də şəhərdə gözəllik salonları geniş yayılıb və bunların sayəsində kosmetolqlar, tatuaj ustaları virusların daha geniş yayılmasına rəvac verir. Bunun da səbəbi onların peşəkar olmamalarıdır. Əllərində sertifikat yoxdur, hamısı da özünü həkim adlandırr. Əlbəttə ki, bu cür məsuliyyətsiz yanaşmanın da sonu kütləvi yoluxmaya gətirib çıxardır".

Tarix
2013.09.17 / 17:37
Müəllif
Axar.az
Şərhlər
Digər xəbərlər

Peyvənd olunanlar ilk 3 gündə nə hiss edir?

Bu gün neçə nəfər koronaya yoluxub?

Vaksinasiya ilə bağlı ehtimal ssenari budur - ÜST

Hamilə qadınlara peyvənd vurulması... - TƏBİB

Peyvənd ölümə səbəb olur? - Alim detalları açıqladı

Professor: Vaksinin zərərli olmasına inanmaq... - Video

ABŞ alimləri korona xəstələrinə şüa verdi: nəticə...

Türkiyədə korona ilə bağlı son vəziyyət

Peyvəndlə bağlı şok: sonsuzluq, ölüm...

TƏBİB rəsmisindən vaksinlə bağlı mühüm - Açıqlama

KULT
<>
Xəbər xətti
 
  
  
  
yatsan
Axar.az'da reklam Bağla
Reklam
Bize yazin Bağla