Yayın əvəzedilməz meyvəsi olan qarpızın 91 %-i sudan ibarətdir.

Axar.az xəbər verir ki, qarpız bu xüsusiyyəti ilə hərarəti aşağı salır və sərinlədici təsir bağışlayır.

Mütəxəssislər qarpızın sağlamlığa faydalarını aşağıdakı kimi sıralayır:

- Qarpız idmandan sonra əzələ ağrılarını aradan qaldırmağa kömək olur.

- Katarakt riskini azaldır.

- Kök adamlarda yüksək təzyiqin aşağı düşməsinə kömək olur.

- Qarpızda bol miqdarda A vitamini var. A vitamini çatışmadıqda göz quruluğu, göz infeksiyası və görmə zəifləməsi kimi problemlər ortaya çıxa bilər.

- A və C vitaminindən əlavə, kalsium, dəmir, maqnezium, fosfor, kalium, mis və manqan mineralları ilə zəngindir.

- Həzm üçün möcüzəvi qidadır, çünki lif baxımından da zəngindir.

- Qarpızda olan antioksidanlar astma, ürək narahatlıqları, romatoid arterit və prostat xərçəngi riskini azaldır.

- Bağırsaqları və qanı təmizləyir.

- Cinsi gücü artırır.

- Sümüklərin inkişafını təmin edir.