Tərəvəz insan həyatında dərman qədər əhəmiyyətli rol oynayır.

Axar.az xəbər verir ki, yay tərəvəzi bədəni bir çox xəstəlikdən qoruyur.

Badımcan: Ürəyin dostu hesab olunur. Xərçəng və nevroloji xəstəliklərə qarşı qoruyucu təsiri var.

Paxla: Tərkibində olan C vitamini ilə immunitet sisteminin yaxşılaşmasını təmin edir. Bədəndə yaranan toksinlərin atılmasına kömək edən paxlanın tərkibində kalsium, maqnezium və dəmir var.

Təzə paxla: A vitamini ilə zəngindir və gözə faydalıdır.

Pomidor: Tərkibində olan likopen ilə prostat xərçənginin bir nömrəli düşmənidir. Həmçinin, ürəyə xeyirlidir və damar sərtliyini azaldır.

Bibər: Tərkibində C vitamini ən yüksək olan tərəvəzlərin birincisi olan bibər immunitet sisteminin güclənməsini təmin edir. Həmçinin, antioksidan xüsusiyyəti ilə bədənə zərər verən və tez yaşlanmağa səbəb olan sərbəst radikalları bədəndən atar.

Balqabaq: Kalium, kalsium, fosfor, A və C vitamin ilə zəngindir. Yüksək təzyiq problemi yaşayanların tez-tez balqabaq yeməyi məsləhət görülür.