ABŞ-ın Şimal-Qərb Universitetinin alimləri müəyyən ediblər ki, qadın və kişi beyinləri arasında molekulyar quruluşun müxtəlif olmasından irəli gələn obyektiv biolojı fərq mövcuddur.

AzərTac xəbər verir ki, tədqiqat barədə məlumat "Neyronauka" jurnalinda dərc olunub. Məlumatda deyilir ki, URB597 dərman vasitəsi qadın beyninə düşərək neyromediatorların (elektrik impulslarının neyronlardan əzələ toxumasına ötürülməsinə kömək edən biolojı aktiv kimyəvi maddələr) əmələ gəlməsi səviyyəsini azaldır, halbuki kişilərin beyni bu dərmana heç bir reaksiya vermir. Dərman qadında ilk növbədə yaddaş, motivasiya, iştah və ağrı kimi beyin proseslərində iştirak edən anandamidin, neyromediatorun funksionallığını artırır. Bunlar, həmçinin epilepsiya xəstəliyində və müxtəlif nevrolojı pozuntu hallarında böyük rol oynayır.

Beləliklə, bu cür molekulyar gender müxtəlifliyinin kəşfi yeni faktları nəzərə almaqla, kişi və qadın pasiyentlərə terapevtik təsir tədbirlərini yaxşılaşdırmağa kömək edir.

Tədqiqat qrupunun başçısı doktor Ketrin Vulli qeyd edib ki, beyində cinsiyyət müxtəlifliyinin öyrənilməsi, məsələn, xəritəni kimin daha yaxşı oxumasını, yaxud nə üçün müəyyən peşələri qadınların deyil, məhz kişilərin seçdiyini müəyyən etmək biologiyanın və təbabətin həm kişilərin, həm də qadınların sağlamlığı naminə səmərəli işləməsinə nail olmaq məqsədi daşıyır.