Şükür ki, yaxşı həkimlərin əlinə düşdüm.

Axar.az xəbər verir ki, bu sözləri Aşıq Samirə xərçəng xəstəliyinə tutulması haqda "Onlar" verilişinə danışarkən deyib. Aşıq həmin günlərdə təkcə qızından nigaran olduğunu bildirib:

"Bu həyatda Allah ikinci dəfə mənə möhlət verdi. Əslində, ölümdən qorxan adam deyiləm, sadəcə, övladımdan nigaran idim. Ölüm qaşla göz arasındadır. Yaxşı həkimlərin əlinə düşdüm. Allahın möcüzəsi deyilən bir şey var, məsləhət biləndə adamı saxlayır. O xəstəlikdən sonra mənim üçün pul, şöhrət, var-dövlət kimi anlayışlar bitdi. Başa düşdüm ki, insan üçün əsas can sağlığıdır".