Görmə qabiliyyətinin zəifləməsini müxtəlif səbəblərlə əlaqələndirirlər.

Axar.az gözün sağlamlığı ilə bağlı ictimaiyyətdə formalaşmış yanlış bilgilər haqda yazını təqdim edir:

Yanlış: Eynək və ya linza taxmaq görmə qabiliyyətinin inkişaf etməsinin qarşısını alır.

Doğru: Eynək taxıb-taxmamaq görmənin inkişafına təsir etmir. Eynək müalicəsinin məqsədi görmə səviyyəsini artırmaqdır.

Yanlış: Eynək istifadə etdikcə göz eynəyə öyrəşir.

Doğru: Gözün eynəyə öyrəşməsi deyilən bir anlayış yoxdur. İnsan eynəklə yaxşı görməyin necə olduğunu anladığı üçün eynəkdən imtina etmir.

Yanlış: Körpə və ya azyaşlı uşaqlar eynək taxmamalıdır.

Doğru: Uşaqda görmə qabiliyyəti zəifləyəndə görmənin inkişafı və göz tənbəlliyinin olmaması üçün mütləq eynək taxmaq lazımdır.

Yanlış: Bəzən gözlərimiz ağrıyanda sakitləşdirici eynəklərdən istifadə edirik.

Doğru: Əslində, belə bir eynək yoxdur. Hər bir insan mütləq öz gözünə uyğun nömrəli eynək istifadə etməlidir.

Yanlış: Yaxından televizor izləmək gözləri zəiflədir.

Doğru: Yaxından televizor izləməyin göz sağlamlığı baxımından heç bir zərəri yoxdur. Ancaq zəif görən uşaqlar televizoru daha yaxından izlədiyi zaman göz xəstəlikləri öz əlamətini erkən göstərə bilər.