Şimali Koreyanın mütəxəssisləri sərxoşluğa səbəb olmayan spirtli içki hazırlayıblar.

Publika.az xəbər verir ki, bu barədə "İnterfaks" agentliyi bildirib.

Xəbərə əsasən, "Koryo Liquor" adlandırılan içkinin sirri şəkəri əvəz edən yüksək keyfiyyətli jenşen və yandırılmış yapışqan düyü ilə bağlıdır. Bundan başqa, içkinin tərkibində amin turşuları, mineral maddələr və vitaminlər var.

Spirtli içki ekspertlər və istehlakçılar tərəfindən yüksək qiymətləndirilib. "Koryo Liquor" xüsusi medala layiq görülüb.

Xatırladaq ki, Şimali Koreya ötən il xərçəng, QİÇS, Ebola və MERS xəstəliklərinin sağalda biləcək dərmanın hazırlandığını elan edib.