Çips trans yağ və natrium baxımından orqanizm üçün ən zərərli qidadır. Amma onun da zərərsiz norması var.

Axar.az Medicina.az-a istinadən xəbər verir ki, terapevt Nadejda Çernışova bu miqdarı və çipsinin zərərini açıqlayıb.

“Çipsinin 100 qramında 30 qram yağ, 500 kilokalori var. Yəni əlavə bir qutu çips bədənimizə çoxlu kalori əlavə edəcək. Çipslərin yüksək temperaturda qızardılması zamanı kanserogen təsir göstərən maddələr əmələ gəlir.

Çipslərin müntəzəm yeyilməsi xərçəngə tutulma riskini artıra bilər. Bundan əlavə, belə yağlı və çox qızardılmış qidalar qastrit, pankreatit, xolesistit, yəni mədə-bağırsaq traktının bütün xəstəliklərinin kəskinləşməsinə gətirib çıxarır, həmçinin xolesterinin artmasına və aterosklerozun inkişafına kömək edir”, - həkim qeyd edib.

Həkim vurğulayıb ki, bu qida qəlyanaltı hesab edilməməlidir və hər gün yeyilməməlidir:

“Deyək ki, ayda bir dəfə 70 qramdan çox olmayan çips yeyilməməlidir. Ya da ayda 2 dəfə hər dəfə 30 qram yeyilə bilər”.