Mütəxəssislər keyfiyyətli yuxunun sağlamlıq üçün vacib olduğunu vurğulayır.

Axar.az E-saglam.az-a istinadən xəbər verir ki, sinə xəstəlikləri mütəxəssisi Prof. Dr. Asiye Kanbay yuxu rejiminin pozulmasının immuniteti zəiflədərək xəstəlik riskini artırdığını bildirib.

Keyfiyyətli yuxu üçün hər gün eyni saatda yatmaq, qaranlıq və səssiz mühit yaratmaq, elektron cihazlardan uzaq durmaq, ağır yemək və kofeindən çəkinmək tövsiyə edilir. Meditasiya və tənəffüs məşqləri də yuxu keyfiyyətini artırır.

Kanbay yuxu pozğunluqlarının müalicəsində psixoloq, kardioloq və digər mütəxəssislərin əməkdaşlığının vacibliyini qeyd edib. Yuxu rejiminin qurulması ümumi sağlamlığa və həyat keyfiyyətinə müsbət təsir göstərir.