Yuxarı

Azərbaycanla Ermənistanın iqtisadi – Müqayisəsi

Ana səhifə Digər Şərh
12 Punto 14 Punto 16 Punto 18 Punto

"Azərbaycanın təkcə sosial xərcləri Ermənistanın dövlət büdcəsindən 3 dəfə çoxdur".

Bu sözləri Axar.az-a açıqlamasında iqtisadçı alim Vüqar Bayramov 2015-ci ildə Ermənistan və Azərbaycanın qəbul edilən dövlət büdcəsinin müqayisəsini apararkən dedi.

Ekspertin sözlərinə görə, uçuruma doğru gedən Ermənistanla Azərbaycan iqtisadiyyatı müqayisəedilməz səviyyəyə çatıb:

"Azərbaycanın gəlirləri 2015-ci ildə 3,4 faiz artacaq. Gəlirlərin artması fonunda Azərbaycan regionda həm büdcə gəlirləri, həm də iqtisadi gücünə görə aparıcılığını qoruya biləcək. Azərbaycan iqtisadiyyatını düşmən Ermənistanla müqayisə etsək görərik ki, diqqət çəkən əsas məqamlardan biri də ondan ibarətdir ki, Azərbaycanın dövlət gəlirləri, o cümlədən Ümumi Daxili Məhsul (ÜDM) Ermənistanla müqayisədə fərqli mənzərəyə malikdir. Yəni praktiki olaraq iqtisadi göstəricilərdə fərq o qədər böyükdür ki, hətta bunu müqayisə etmək kifayət qədər çətindir. Dövlət gəlirlərinin artmasından danışsaq görərik ki, Ermənistanın dövlət büdcəsi Azərbaycan dövlət büdcəsinin bir xərc maddəsindən belə kiçikdir. Azərbaycan dövlət büdcəsi 2015-ci ildə 25 milyard dollar olacaq. Bu da Ermənistanın dövlət büdcəsindən 10 dəfə çoxdur. Gəlirlərin artması fonunda Azərbaycan regionda liderliyini qoruyacaq. Müqayisə üçün deyim ki, xərc maddələri olan təhsil, müdafiə, sosial, infrastruktur layihələri ayrı-ayrılıqda Ermənistanın dövlət büdcəsini üstələyir. Məsələn, Azərbaycanın sosial xərcləri 2015-ci ildə 7,7 milyard dollar olacaq. Bu isə Ermənistanın ümumi dövlət büdcəsindən 3 dəfə çoxdur".

Ekspertin sözlərinə görə, Azərbaycan Cənubi Qafqaz iqtisadiyyatının 78 faizinə sahibdir: "ÜDM-da da kəskin fərqlər var. 2013-cü ildə Ermənistanda ÜDM 10 milyard dollar göstərilsə də, real göstəricilər 8 milyard olduğunu deyir. Bu rəqəmin Azərbaycanda 90 milyard dollar olduğunu nəzərə alsaq, görərik ki, bu fərq də 10 dəfəyə yaxındır. Ümumi götürdükdə isə Azərbaycan iqtisadiyyatı Ermənistan və Gürcüstan iqtisadiyyatının cəmindən böyükdür".

Cari ildə Ermənistan vətəndaşlarının 6 faiz azaldığını deyən ekspert bu sahədə ölkəmizin Avropada lider ölkə olduğunu açıqlayıb: "Bu fərqlər özünü daha çox sosial göstəricilərdə büruzə verir. Ermənistanda iqtisadi tənəzzül özünü ölkə vətəndaşlarının sayının azalması və miqrasiyada bir daha göstərir. Belə ki, Azərbaycan təbii artıma görə Avropada birincidirsə, Ermənistanda isə əksinə, mənfi 6 faiz azalma qeydə alınıb. Digər tərəfdən, işsizlik və yoxsulluq həddi də Ermənistanda kifayət qədər yüksəkdir. Belə ki, bu ölkə yoxsulluq həddinə görə MDB-də sonuncu yeri tutur. Ermənistan Mərkəzi Bankının hesablamalarına görə ölkə əhalisinin 60 faizi yoxsulluq həddində yaşayır. Amma Azərbaycanda rəsmi yoxsulluq həddi 5,7 faiz təşkil edir. Bu da o deməkdir ki, Ermənistanda yoxsulluq həddi Azərbaycanla müqayisədə 6 dəfə çoxdur".

Düşmən ölkədə hər doğulan uşağın 2100 dollar borcla dünyaya gəldiyini deyən ekspert xarici borcun ÜDM-ni qabaqladığını bildirdi:

"Sözsüz ki, əsas məqamlardan biri də Ermənistanın xarici borcunun artmasıdır. Belə ki, Ermənistanın xarici borcu artıq 6 milyard dollara çatıb. Bu da Ermənistanın ÜDM-in 56 faizi deməkdir. 2013-cü ildə Ermənistanda ÜDM 3,5 faiz artdığı halda bu ölkənin xarici borcu 5 faiz artıb. Bu da o deməkdir ki, Ermənistanın xarici borcundakı artım ölkədə ÜDM-in artımından daha çoxdur. Qeyd etməliyik ki, xarici borcun 85,2 faizi dövlət borcudur. Bu hesabla Ermənistanda dünyaya gələn hər bir uşaq 2100 dollar borcla doğulur. Ermənistan adambaşına düşən xarici borcun məbləğinə görə MDB-də ən sonuncu yerdədir. Qeyd etmək yerinə düşər ki, Azərbaycan xarici borcu ilə ÜDM həcminə görə MDB ölkələri arasında ən yaxşı göstəriciyə malikdir. Belə ki, xarici borcun ÜDM-dəki payı 8 faizdir. Azərbaycana bu baxımdan yaxın olan ölkə Özbəkistan və Rusiyadır. Ümumilikdə deyə bilərik ki, artıq hər ötən il Azərbaycan iqtisadiyyatı ilə Ermənistan iqtisadiyyatı arasında bu fərqlər o qədər böyüyür ki, artıq müqayisəyə gəlmir.

Artıq Azərbaycan iqtisadiyyatı Cənubi Qafqaz ölkələri ilə yox, daha inkişaf etmiş ölkələrlə müqayisə olunmalıdır".

Tarix
2014.10.30 / 10:20
Müəllif
Şəmsəddin Ənsar
Şərhlər
Digər xəbərlər

Qarabağda hansı addımı atdıqsa, qarşımıza... - Ərdoğan

Əli Əsədov qərar imzaladı

Kremldə gərginlik: “Krokus” terrorundan sonra Paşinyan...

Yeni Kaledoniyada Azərbaycan bayrağı qaldırıldı - Video

Bu görüş Cənubi Qafqazda müharibə riskini artırır

Paşinyan terrorla hədələnir - İrəvanda nə baş verir?

Bakının informasiyası var: 5 apreldə nə baş verəcək?

Bakıya qarşı şər ittifaqı qurulur: cavabı olacaq - Video

Konsert zalının qapıları niyə bağlı olub? - Emin açıqladı

Bakıda xanım jurnalistlə şəkli - Musəvi İranda tənqid edildi

KULT
<>
Xəbər xətti
  
  
  
Axar.az'da reklam Bağla
Reklam
Bize yazin Bağla