Ana səhifə Digər Şərh |
"Gərgin vəziyyətdə olan Ermənistan idarəetmədə nəzarəti itirməkdə davam edir".
Bu barədə Axar.az-a açıqlamasında politoloq Tofiq Abbasov deyib.
O bildirib ki, prosesi daha da ağırlaşdıran hakimiyyət içində olan ayrı-ayrı klanlardır:
"Klanlararası amansız qarşıdurma İrəvanın siyasi elitasını iflic vəziyyətə gətirib çıxarır. Əgər ölkəni ildən-ilə tərk edənlər olmasaydı, hazırkı hakimiyyət çoxdan çökərdi. Hazırda sosial, ictimai dairələr arasında xaos və qeyri-müəyyənlik hökm sürür. Belə olan vəziyyətdə isə hakimiyyətə təhdid törədənlər də elə sistemin daxili müxalifləridir. Sui-qəsd halları, səssiz inqilablar heç də təsadüfi deyil. Nəzərə alsaq ki, Sərkisyanın hakimiyyəti hərbi xunta - Qarabağda azğınlıq məzhəbini keçmiş vandallardır. Buna görə də indi ölkədə kim başını qaldırırsa, dərhal aradan götürürlər. Ermənistanda siyasi böhran yaşanır. İstənilən gün xaos yaşana bilər. Kremlin isə bu olanlara öz baxışı var. Sərkisyan bütün rıçaqları əldən verdiyi və nəzarəti itirdiyi vaxt Moskva onun çöküşünü seyr edəcəcək. Çox keçmədən Ermənistan və onun siyasi hərbi xuntası Qarabağ avantürasının qurbanına çevriləcək. Bu çevrilmə prosesi dayanmadan işləyir"
Tarix
2015.06.04 / 08:30
|
Müəllif
Aygün Yusibova
|