Xristianların Yaxın Şərqdən qovulması mədəni fəlakətdir.

Axar.az xəbər verir ki, bunu "Raşşın Tudey" televiziyasına müsahibəsində Moskva və bütün Rusiyanın Patriarxı Kiril söyləyib. Onun sözlərinə görə, xristian əhalinin Yaxın Şərqdə yox olması, bu regionun ölkələrində çox şeyi dəyişdirəcək:

"Xristianlığın beşiyi Yaxın Şərqdir. Biz Roma Papası Fransisklə bunu Havanada geniş müzakirə etmişik. Bu regiondakı azlıqlardan ən çox xristianlar əziyyət çəkiblər. Rəqəmlər adamı dəhşətə gətirir. İraqda yarım milyonluq xristiandan indi heç 150 min nəfər qalmayıb. Suriyada isə, ümumiyyətlə, yarım milyon xristianın taleyinin necə olduğu bilinmir".