20:45

Türkiyə Baş naziri Binəli Yıldırımla Rusiya lideri Vladimir Putin arasında görüş başlayıb.

Axar.az xəbər verir ki, tərəflər Kremldə bir araya gəliblər.

Qeyd edək ki, görüş mətbuata qapalı şəkildə keçirilir.

***

21:20

Ərdoğan “Türk axını” sazişinin ratifikasiyasını nəzərdə tutan qanunu imzaladığı üçün ona minnətdarıq.

Bu sözləri Rusiya Prezidenti Vladimir Putin Türkiyə Baş naziri Binəli Yıldırımla görüşü zamanı deyib.

“Türk axını” Rusiya və Türkiyə arasında həyata keçirilən ən böyük layihədir. Bundan əlavə, biz bir çox layihələrə imza atırıq. Rusiya Baş naziri Dmitri Medvedyevlə görüşlər keçirdiyinizi bilirəm. Bütün sahələrdə rus-türk əməkdaşlığının başlanmasında böyük məmnuniyyət hissi keçirirəm. Hesab edirəm ki, sizin səfəriniz Türkiyə prezidenti ilə görüşümüz və sammitin yüksək səviyyədə keçirilməsi üçün əsas yaradacaq”, - rus lider bildirib.

***

Dmitri Medvedyevlə Akkuyu AES-nin inşası ilə bağlı müzakirələr apardıq.

Bunu Türkiyə Baş naziri Binəli Yıldırım Rusiya lideri Vladimir Putinlə görüşü zamanı deyib.

“Bu layihənin qarşısında duran bütün maneələri nəzərdən keçirdik. Mən, rusiyalı həmkarım, həmçinin, Novak və bizim Energetika nazirimiz bu layihə ilə bağlı razılıq əldə etdik”, - Yıldırım bildirib.

Türk nazir Akkuyu AES-in birinci blokunun 2023-cü ilədək istismara veriləcəyini ümid etdiyini də söyləyib.