Çin lazım olacağı təqdirdə ticarət proteksionizmi (dövlətin yerli istehsalçılara inhisar hakimiyyəti üçün maliyyə dəstəyi verməsi ilə milli rifahın yüksəlməsi – red.) ilə mübarizədə dünya liderliyini öz üzərinə götürməyə hazırdır.

Axar.az xəbər verir ki, bunu jurnalistlərə açıqlamasında Çin Xarici İşlər Nazirliyinin İqtisadiyyat Departamentinin sədri Çjan Szyun söyləyib.

Qeyd edək ki, bundan öncə Çin lideri Si Szinpin Davos forumunda çıxışı zamanı dünya ölkələrini proteksionizmə yox deməyə və azad ticarəti inkişaf etdirməyə səsləyib. O, ticarət müharibəsində heç kimin qələbə qazanmayacağını bildirib.

Bəzi ekspertlər Trampın prezidentliyi dövründə ABŞ-ın Çinlə ticarət müharibəsi aparacağını iddia edirlər. Üstəlik, bəzi Avropa ölkələri artıq ABŞ-ın ticarət proteksionizmindən ehtiyat etdiklərini bəyan ediblər.