Bu gün də kilsə Sərkisyan rejimini dəstəklədiyi üçün Katolikos ll Qareginin həbsi tələb edilir.

Bunu bütün ermənilərin katolikosu II Qareginin istefası tələbilə İrəvanda davam edən etiraz aksiyaları haqda Axar.az-a danışan politoloq Arzu Nağıyev deyib. Politoloq erməni kilsəsinin istər xarici lobbiçilər, istərsə də daxildəki siyasətçilər vasitəsilə Ermənistana tam nəzarət etdiyini bildirib:

“Qəbul edilən qərarlarda kilsə birbaşa iştirak və müdaxilə imkanına malikdir. Hətta kilsənin özünün qeyri-qanuni silahlı birləşmələrinin mövcudluğu sirr deyil. Üstəlik, bu silahlılardan işğal olunmuş ərazilərdə və Ermənistanda istifadə edilib. Bu gün də kilsə Sərkisyan rejimini dəstəklədiyi üçün Katolikos ll Qareginin həbsi tələb edilir. Ermənistanı idarə edən hərbi xunta ll Qareginin “xeyir-duası” ilə həm öz xalqına, həm də başqalarına qarşı daim cinayətlər törədib. Hesab edirəm ki, kilsə rəhbərliyi buna görə tam şəkildə cinayət məsuliyyəti daşıyır”.

Qeyd edək ki, İrəvanda II Qareginin istefası tələbilə etiraz aksiyaları davam edir. Aksiyalara bir müddət öncə erməni keşişlər də qoşulublar.

Bütün ermənilərin katolikosu II Qaregin istefaya getməkdən imtina edib