ATƏT-in fəaliyyətdə olan sədri, Slovakiyanın xarici işlər və Avropa məsələləri naziri Miroslav Layçak Minsk qrupunun həmçinin Fransadan olan həmsədr Stefan Viskonti və fəaliyyətdə olan sədri şəxsi nümayəndəsi Anjey Kasprşikin adından çıxış edən həmsədrləri İqor Popov (Rusiya) və Endoyu Şofer (ABŞ) ilə görüşüb.

Axar.az xəbər verir ki, sədr Layçak həmsədrlərin sonuncu məsləhətləşmələrinin, o cümlədən Ermənistan və Azərbaycan xarici işlər nazirləri arasında həmsədrlərin vasitəçiliyi ilə aprelin 15-də Moskvada və iyunun 20-də isə Vaşinqtonda baş tutan görüşlərinin nəticələri barədə məlumatlandırılıb.

Həmsədrlər slovakiyalı sədrə humanitar məsələlər üzrə irəliləyişlər, o cümlədən günün əvvəlində Ermənistan və Azərbaycan arasında girovlarınərin mübadiləsi barədə məlumat veriblər.

Layçak öz növbəsində Minsk prosesini və həmsədrlərin işini, həmçinin tərəflərin gərginliyin azaldılması və sülh və danışıqlarda əhəmiyyətli irəliləyişə təkan verən mühitin yaradılması istiqamətində göstərdikləri səyləri tam dəstəklədiyini bildirib.

Girovların mübadilə edilməsini şərh edən fəaliyyətdə olan sədr deyib:

"Biz bu humanitar jesti alqışlayırıq. Bu, dialoqun münaqişədən əziyyət çəkən insanlara necə müsbət təsir edə biləcəyini göstərir".