Fransa Prezidenti Emmanuel Makronun İslamla bağlı açıqlamaları onun islamı, ümumiyyətlə, dinləri anlamamasını nümayiş etdirir.

Axar.az xəbər verir ki, bunu Trend-ə ərəb analitik Kamal əl-Halbavi deyib.

Onun sözlərinə görə, Fransanın islami baş örtüləri ilə bağlı əvvəlki mövqeyi də bu ölkədə azadlıq və bərabərlik məsələlərində ziddiyyət və ikili standartları üzə çıxarır:

“Fransa prezidentinin indiki mövqeyi nə islama, nə də islam peyğəmbərinə ziyan vuracaq. Dünya müsəlmanları əsl islamla yaşamalı, Quranda deyildiyi kimi, bəşəriyyəti ruhlandırmalıdır”.