Gələcəkdə Azərbaycan, Türkiyə və Pakistan dövlət başçılarının üçtərəfli görüşlərinin keçirilməsi mümkün ola bilər.

Axar.az Report-a istinadən xəbər verir ki, bunu Azərbaycanda səfərdə olan Türkiyə Böyük Millət Məclisinin (TBMM) sədri Mustafa Şəntop keçirdiyi mətbuat konfransında deyib.

“Üç ölkə arasında nəinki dövlətlərarası münasibətlər, eləcə də xalqlar arası münasibətlər var. Maddi və mənəvi olaraq daim bir-birinə dəstək olur”, - o vurğulayıb.

TBMM sədri bildirib ki, Ermənistanın son zamanlar Naxçıvan istiqamətində atəşkəsi pozması və mülki əhaliyə qarşı etdiyi hücumlar beynəlxalq arena üçün düşündürücü məsələ olmalıdır.