Axar.az
Yuxarı

Axar.Az Logo

Makron rüsvay oldu: Rusiyadan bu cür qorxur

Ana səhifə Siyasət
12 Punto 14 Punto 16 Punto 18 Punto

Fransa Prezidenti Emmanuel Makron Rusiya ordusunun Ukraynada mülki şəxsləri qətlə yetirməsini “soyqırım” adlandırmaqdan imtina edib.

Fransa lideri bunu belə izah edib ki, soyqırımı siyasətçilər deyil, hüquqşünaslar müəyyən edir.

Bu, E.Makronun Rusiyadan və konkret olaraq Putindən nə qədər çəkinməsinin, Fransa siyasətini maraqlarının əsiri etməsinin və fransız liderinin öz-özünü ifşasının bariz nümunəsidir.

Türkiyə lideri Rəcəb Tayyib Ərdoğan illərdir bütün dünyaya hayqırır, 1915-ci il hadisələri ilə siyasətçilərin deyil, tarixçilərin məşğul olması gərəkdiyini bildirir və bütün arxivləri açmağa hazır olduğunu bəyan edir. Ərdoğan beynəlmiləl bir elmi araşdırma aparılması, bu araşdırma qrupuna arzulayan bütün ölkələrdən alimlərin və hüquqşünasların daxil edilməsi çağırışını da etmişdi.

Heç kəsdən səs çıxmadı, Ermənistan isə arxivini açmaqdan imtina etdi. Çünki ümumiyyətlə Ermənistanın arxivi yoxdur, 1915-ci il üçünsə olması mümkün də deyil. Olan “arxiv” yalnız saxta iddialar, böhtan və yalanlardan ibarətdir.

Türkiyə “soyqırım” məsələsinin siyasətçilərin işi olmadığını deyəndə buna əhəmiyyət verməyən ölkələr “erməni soyqırımı” yalanlarını parlamentlərində Ankaraya təzyiq və ermənilərə dəstək üçün qəbul edirdilər və edirlər. Bu əxlaqsız siyasətin başında dayananlardan biri isə məhz Makrondur. 2019-cu ildə Makron 24 apreli qondarma “erməni soyqırımı”nı anma günü elan etmişdi.

Fransanın öz işinə yarayanda Makron həvəslə yalançı iddialara “soyqırım” deyir və soyqırım məsələsinin siyasətçilərin işi olmadığı haqda Türkiyənin çağırışı önündə susur; ancaq Rusiyanın qətliamlarına qiymət vermək lazım gələndə buna Ərdoğanın sözləri ilə cavab verir və qətiyyən utanıb-eləmir. Ağzından çıxan sözlərin ona qarşı istifadə olunacağını da düşünmür.

Bu da Makronun siyasi “gedişidir”...

Tarix
2022.04.17 / 10:11
Müəllif
Şeyx Teymur
Şərhlər
Digər xəbərlər

Borrell Bakının təklifini dəstəklədi

Mirzoyan: Bakının təklifində qəbuledilməz heç nə yoxdur!

Paşinyan ümid edir: Ərazi 1991 sənədi ilə…

İlham Əliyev Ağdamda forumda çıxış etdi - Video

XTQ Türkiyədə, Hulusi Akar Bakıda – Hədəf budur!

Sülh prosesi ilə bağlı optimist fikirlər var - Prezident

Hamı bilir ki, İrəvan Qarabağdan əl çəkib – Hraparak

Bu şəhərlərin baş planları hazırlanıb və təsdiqlənib

Minsk qrupunun yenidən canlandırılması... - Əliyev

İlham Əliyev Maimuna Mohd Şərifi qəbul etdi

KULT
<>
Xəbər xətti
Axar.az'da reklam Bağla
Reklam
Bize yazin Bağla