Şübhə etmirəm ki, Bakı Rusiyanın Baş naziri Mixail Mişustinin sözünə çox sevinəcək. Mişustin Ermənistanın Baş naziri Paşinyanla görüşündə bildirdi ki, Rusiya Cənubi Qafqazda nəqliyyat və iqtisadi əlaqələrin açılmasının tərəfdarıdır. Üstəlik, o, Laçın yolunda baş verənlərlər bağlı konkret heç nə demədi. Artıq Kreml açıq şəkildə Cənubi Qafqazda Azərbaycanı dəstəklədiyini vurğuladı. Söhbət ilk növbədə Zəngəzur dəhlizi layihəsindən gedir.

Axar.az xəbər verir ki, bunu erməni analitik Hraçya Qalustyan deyib.

“Məlumdur ki, rəsmi Bakı əminliklə - Ermənistan razı olsa da, olmasa da - bu planın həyata keçirəcəyini qeyd edib. Paşinyan görüşdə Laçın yolundakı vəziyyətə diqqət çəksə də, Rusiya heç nə etmək fikrində deyil. Onların diqqəti Ukrayna ilə müharibəyə yönəlib. Kreml yenə uçot dərəcəsini yüksəltmək üçün oynayır. Rusiya Prezidenti Vladimir Putinin anlayışına görə, Kremlin dünya hökmranlığı uğrunda mübarizədə sadəcə olaraq uduzmağa haqqı yoxdur. O, ABŞ-ı dünya hegemonluğu taxtından sıxışdırıb çıxarmağı planlaşdırır. Bundan sonra digər dövlətlərlə məşğul olmaq asan və sadədir”, - o bildirib.