Gürcüstanın Baş naziri İrakli Kobaxidze sabah Azərbaycana səfər edəcək.

Axar.az Teleqraf.com-a istinadla xəbər verir ki, bu barədə Gürcüstanın hökumət administrasiyasından bildirilib.

Baş nazir Bakıda keçiriləcək Gürcüstan və Azərbaycan arasında İqtisadi Əməkdaşlıq üzrə Hökumətlərarası Komissiyanın X iclasında iştirak edəcək. İclasa iki ölkənin hökumət üzvləri qatılacaqlar.

Səfər çərçivəsində İ.Kobaxidzenin Azərbaycan Prezidenti İlham Əliyevlə görüşü də planlaşdırlıb.

Qeyd edək ki, hökumətlərarası komissiyanın IX iclası 2022-ci ilin dekabrında Tiflisdə baş tutub. Komissiyaya hər iki tərəfdən ölkənin baş nazirləri sədrlik edirlər.