Türkiyə və bir sıra digər ölkələrin Suriyada baş verən hadisələrə birbaşa təsiri olub.

Axar.az xəbər verir ki. bu sözləri Abbas Arakçı AFP-yə müsahibəsində deyib.

O bildirib ki, Türkiyə və bir neçə başqa ölkənin Suriyada baş verən hadisələrə birbaşa təsir göstərdiyinə heç kimin şübhəsi yoxdur:

“Buna görə də İsrailin Suriya ərazisini geniş miqyasda işğal etməsi, Suriyanın bütün müdafiə infrastrukturunu məhv etməsi və bunun nəticəsində yaranan bütün münaqişələr kimi indi yaranmış problemlərə görə məsuliyyət təbii ki, bu dəyişiklikləri və inkişafı həyata keçirənlərin üzərinə düşür”.

Arakçı xüsusilə vurğulayıb ki, bu, İranın Türkiyə ilə münaqişədə olması demək deyil:

“Əksinə, biz dostluq münasibətlərimizi və regional məsələlər üzrə məsləhətləşmələrimizi davam etdirəcəyik”.

Qeyd edək ki, 6 martdan Əsəd tərəfdarlarının Latakiya əyalətində silahlı üsyanı başlayıb.