Azərbaycan Prezidenti İlham Əliyev ABŞ Prezidenti Donald Trampa təşəkkür edib.

Axar.az xəbər verir ki, bu barədə dövlət başçısı sosial şəbəkə səhifəsində yazıb.

"Prezident Donald Trampa şəxsi imzası ilə mənə mehribanlıqla hədiyyə etdiyi tarixi fotoşəkillərə, eləcə də yazdığı səmimi sözlərə görə dərin minnətdarlığımı bildirirəm.

Prezident Trampın Azərbaycan və Ermənistan arasında münasibətlərin normallaşmasına və iki ölkə arasında və qlobal miqyasda sülh gündəliyinin irəliləməsinə verdiyi davamlı dəstəyi yüksək qiymətləndirirəm. Bu səylərinə görə ona bir daha səmimi təşəkkürümü bildirmək istəyirəm", - deyə İlham Əliyev qeyd edib.

Qeyd edək ki, Trampın Prezident İlham Əliyevə göndərdiyi fotoların üzərində belə yazılıb:

"Ilham, You are Great Leader" ("İlham, Siz böyük lidersiniz").

Prezident Donald Trampa şəxsi imzası ilə mənə hədiyyə etdiyi tarixi fotoşəkillərə və üzərində yazdığı xoş sözlərə görə təşəkkür edirəm.

Prezident Donald Trampın Azərbaycan ilə Ermənistan arasında münasibətlərin normallaşdırılmasına, habelə Cənubi Qafqazda və dünyada sülh… pic.twitter.com/7S6LssgvqH

— İlham Əliyev (@azpresident) August 25, 2025