RT kanalının baş redaktoru, Kremlin təbliğatçısı Marqarita Simonyan şəxsi sağlamlığı ilə bağlı açıqlama verib.

Axar.az Musavat.com-a istinadən xəbər verir ki, Simonyan bildirib ki, ötən həftə ona “çox ağır xəstəlik” diaqnozu qoyulub.

O əlavə edib ki, sabah əməliyyat olunacaq, lakin buna baxmayaraq, tədbirə qatılıb:

“Patriarx dedi ki, mən döyüşçüyəm. Mən gəldim ki, evdə yaxınlarını gözləyən anaları, həyat yoldaşlarını, bacıları, qızları dəstəkləyim. Həmçinin cəbhədə olan əsgərlərin yaxınları və bütün yaxınlarının sağlamlığı uğrunda mübarizə aparanları dəstəkləmək üçün gəldim”.

Qeyd edək ki, Simonyan "hansı ağır xəstəlikdən" əziyyət çəkdiyini açıqlamayıb.