Yol-nəqliyyat qəzasından zərər çəkən 3 nəfər iyulun 28-də ölüb.

DİN-in mətbuat xidmətindən Axar.az-a verilən məlumata görə, Şəmkir şəhərində rayon sakini Əli Orucov idarə etdiyi VAZ-2103 markalı avtomobillə yolu keçən həmyerlisi Bayram Məmmədovu vurub. Xəstəxanaya yerləşdirilən B. Məmmədov orada ölüb.

Goranboy rayonunun Balakürd kəndində kənd sakini Elşən Hüseynov idarə etdiyi "KamAZ" markalı avtomobillə yolu keçən həmkəndlisi Raqif Əbdüləzimovu vurub. R.Əbdüləzimov hadisə yerində ölüb.

Mayın 8-də Nərimanov rayonunun Azadlıq prospektində Bakı şəhər sakini Cavanşir Həsənovun idarə etdiyi "Mitsubişi" markalı avtomobillə vurduğu paytaxt sakini İradə Mustafayeva da dünyasını ötən gün dəyişib.

Hər 3 fakt üzrə araşdırma aparılır