Sabirabadın Qaraqaşlı kəndində tələyə ərazidə rast gəlinməyən Amerika yenotu düşüb.

Axar.az ARB TV-yə istinadən xəbər verir ki, kənd sakini Salman Muradov toyuq-cücəsini yırtıcılardan qorumaq üçün həyətyanı ərazidə tələ qurub. Nəticədə tələyə Mərkəzi Aran rayonlarında yaşamasına təsadüf olunmayan Amerika yenotu düşüb.

Salman Muradov bildirib ki, heyvanın Amerika yenotu olduğunu internet vasitəsilə öyrəniblər. Amerika yenotları elə bu qitənin mülayim və tropik ərazilərində yaşayırlar. Bu heyvanlardan son 50 ildə Avropaya da gətirilib.

Amerika yenotu qiymətli xəz dərisi olan heyvandır. Kənd sakini yırtıcının qidalanmasını nəzarətdə saxlayır. Salman Muradov heyvana ət, nar, alma, balıq verildiyini qeyd edib. O, yenotu ayağı sağaldıqdan sonra zooparka təhvil verməyi düşünür.