Qobustan rayonu, Xilmilli kəndində (rayon mərkəzindən 26 km aralı) vətəndaşa məxsus ümumi sahəsi 100 kv.m olan köməkçi tikilinin çardağının yanar konstruksiyaları və çardağa yığılmış 8 ton ot bağlamasının 6 tonu yanıb.

"Axar.az" FHN-nin rəsmi saytına istinadən xəbər verir ki, köməkçi tikili və ot bağlamasının qalan hissəsi yanğından mühafizə olunub. Yanğın saat 05:55-də yanğınsöndürənlər tərəfindən söndürülüb.

Gəncə şəhəri, Nizami rayonunda ümumi sahəsi 30 kv.m olan vaqon tipli fəhlələrin geyinib-soyunma otağının taxta üzlüyü yanıb.

Otağın qalan hissəsi və yaxınlıqdakı tikililər yanğından mühafizə olunub. Yanğın saat 06:42-də yanğınsöndürənlər tərəfindən söndürülüb.