Biz hər marşrut xəttinə CPS qoşmuşuq.

Bu sözləri Nəqliyyat Agentliyinin mətbuat xidmətinin rəisi Mais Ağayev 88 nömrəli marşrut xəttində olan gecikmələr haqda Axar.az-a danışarkən deyib. O, məsələni nəzarətə götürəcəklərini bildirib:

“Biz bütün avtobuslara CPS qoşmuşuq. Yəni özümüz avtobuslarda olan gecikmələri və bunun səbəblərini araşdıracağıq və gecikmənin səbəbini həmin şirkətin rəhbərliyindən öyrənib, problemin tez bir zamanda həllini istəyəcəyik”.

Qeyd edək ki, son 10 gündür 88 nömrəli marşrut avtobusları intervalı 2 dəqiqə olmasına baxmayaraq, 20-25 dəqiqə gecikmə ilə fəaliyyət göstərir.