Hər kəsin intiharla bağlı bir səbəbi var. Normalda istənilən bir insan intihar üçün səbəb tapa bilər.

Bu sözləri Media24.az-a son günlər intihar problemi ilə bağlı yaranan suallarla bağlı açıqlamasında Psixologiya və Konsultasiya Mərkəzinin psixoloqu Elnur Rüstəmov deyib. O bildirib ki, insan həyatının mənası olmayanda insanın psixologiyasına təsir edir:

“İntihar probleminin kökündə mənasız həyat tərzi durur. Səbəbsiz intihar olmur, bu birmənalıdır. Hər kəsin intiharla bağlı bir səbəbi var. Normalda istənilən bir insan intihar üçün səbəb tapa bilər. Yalnız bir sual yaranır: buna görə intihar etməyə dəyərmi? Həyatın bütün çətin şəraiti ilə qarşılaşan və yaşamağı tərcih edən insanlar da var: kimi xəstə yataq döşəyində, kimi həbsxanada həyatına bir rəng qatıb yaşayır.

Bu gün bizim söykənə biləcəyimiz yerlərimiz azalıb, insanlar bir-birinə yadlaşıb. Əvvəlki dönəmlərlə müqayisədə bu gün insanın ruh halı tez-tez dəyişir. Kimsə kimsənin içini bilə bilməz… İntihar edənlərin ailələrinə Allahdan səbir diləyirəm".