Ana səhifə Toplum |
Tovuzun cəbhə kəndlərindən biri olan Ağdamda Azərbaycanın Milli Qəhrəmanı Naiq Yusifovun büstünün açılışı olub.
Axar.az xəbər verir ki, açılışda Tovuz rayon icra başçısı Tofiq Zeynalov, millət vəkili Qənirə Paşayeva, kənd ziyaları, ictimaiyyət nümayəndələri, Ağdam kənd sakinləri və məktəblilər iştirak ediblər.
T.Zeynlanov çıxışında Naiq Yusifovun qəhrəmanlığından və Azərbaycanın ərazi bütövlüyü uğrunda şəhid olmuş tovuzlulardan danışıb.
Q.Paşayeva bildirib ki, bütün gənclər Milli Qəhrəman Naiq Yusifovu yaxından tanımalı və onun şəhidlik zirvəsinə gedən qəhrəmanlıqlarla dolu həyat yolunu öyrənməlidir:
“Ali Baş Komandanımızın söylədiyi kimi, gənc nəsillərimiz qəhrəman şəhidlərimizin həyat yolundan örnək almalıdır və hər bir azərbaycanlı işğalçı Ermənistanın işğal altında saxladığı torpaqlarımızı azad etməyə hazır olmalıdır. Aprel zəfəri dövlətimizin və ordumuzun gücünü bir daha bütün dünyaya göstərdi. İnanırıq ki, Ali Baş Komandanımızın rəhbərliyi altında torpaqlarımızı işğaldan azad edcəyik və o gün uzaqda deyil”.
Naiq Yusifovun anım mərasimi Milli Qəhrəmanın doğulduğu evdə davam edib.
Tarix
2017.04.29 / 14:01
|
Müəllif
Aygün Yusibova
|