Azərbaycanlı aktivist Höccətül-İslam (dini rütbə - red.) Əbduləziz Əzimi Qədim mayın 24-də saxlandığı həbsxanadan azadlığa buraxılıb.

Axar.az xəbər verir ki, Qədim 400 milyon tümənlik mülki girov qarşılığında Tehranın Evin həbsxanasından müvəqqəti olaraq azadlığa çıxıb.

Qeyd edək ki, Qədim 2017-ci il yanvarın 7-də həbs olunub. Onunla bərabər digər azərbaycanlı fəal Əli Baqiri də saxlanılıb. Hər iki şəxs İran parlamentində Türk Bölgələri fraksiyasının yaradılmasına dəstək verməkdə, azərbaycanlıları təhqir edən “Fitilə” verilişinə etiraz etməkdə, sosial şəbəkələrdə təbliğat aparmaqda günahlandırılırdılar.