7 yaşlı parsabadlı Atena Aslaninin qatili əhalinin gözü qarşısında edam olunacaq.

Axar.az xəbər verir ki, bu barədə Ədliyyə Nazirliyinin Ərdəbil Vilayəti Şöbəsinin rəisi Məhəmmədəli Qasedi jurnalistlərə danışıb.

“Atena Aslaninin işinə növbədənkənar baxılır. Məhkəmə edam cəzası çıxaracağı təqdirdə hökm əhalinin gözü qarşısında icra olunacaq. Şübhəsiz ki, qatilə ən ağır cəza verilməlidir. Məhkəmə bu işə xüsusi diqqət ayırıb. Ərdəbil Vilayət Prokurorluğu tibbi ekspertizanın rəyinə və istintaq prosesinə ciddi nəzarət edir”, - deyə o bildirib.

Qeyd edək ki, iyunun 18-də Parsabadda Atena Aslani adlı 7 yaşlı qız uşağı itkin düşüb. Onun cəsədi iyulun 10-da polis tərəfindən saxlanılan İsmayıl adlı şübhəli şəxsin avtomobilini park etdiyi yerdə bir plastik çəlləyin içindən tapılıb.