Ana səhifə Toplum |
6 ay ərzində Dövlət Sosial Müdafiə Fondunun gəlirləri 9,1 faiz artıb.
Əmək və Əhalinin Sosial Müdafiəsi Naziriyindən Axar.az-a verilən məlumata görə, fondun gəlirləri 167,4 milyon manat artaraq 2000,7 milyon manat olub. O cümlədən məcburi dövlət sosial sığorta haqları üzrə gəlirlər də 8,7 faiz artaraq 1183,2 milyon manat təşkil edib.
Daxilolmaların 63,9 faizi və ya 755,9 milyon manatı qeyri-büdcə sektorunun payına düşüb. Fond üzrə ümumi daxilolmaların səviyyəsi pensiya və müavinətlərin qrafik əsasında vaxtında maliyyələşdirilməsinə imkan verib.
2017-ci ilin 01 aprel tarixindən real rejimdə məcburi dövlət sosial sığorta haqları üzrə fərdi uçot əsaslı vahid rüblük hesabat alt sisteminin tətbiqinə başlanılması sığortaedənlər tərəfindən hesabatların təqdim edilməsi prosesinin sadələşdirilməsinə, hesabatların sayının azaldılmasına, nəticə etibarilə sosial sığorta sahəsində iş mexanizminin daha da təkmilləşməsinə imkan verib.
Tarix
2017.08.04 / 17:48
|
Müəllif
Nigar İxtiyarqızı
|