Əmək və Əhalinin Sosial Müdafiəsi Nazirliyi sosial vəziyyəti yaxşı olan əlillərə verilən sosial müavinətlərin dayandırılmasına münasibət bildirib.

Nazirliyin mətbuat xidmətinin rəhbəri Elman Babayevin Axar.az-a verdiyi açıqlama görə, bəzi KİV-lərdə əlillərin sosial müavinətlərlə təminatı sistemində dəyişiklik olunacağı və sosial vəziyyəti yaxşı olan əlillərə müavinətlərin verilməsinin dayandırılacağı barədə yayılan məlumatların heç bir əsası yoxdur:

“Hazırda hökumətdə qeyd edilən məsələ ilə əlaqədar heç bir layihə müzakirə olunmur. Nazirlik olaraq Milli Məclisinin Əmək və Sosial Siyasət Komitəsi ilə də əlaqə saxlanılıb. Komitədən sosial vəziyyəti yaxşı olan əlilliyi olan şəxslərə müavinətlərin verilməsinin dayandırılacağı barədə hər hansı məsələnin müzakirə olunmadığı bildirilib.

Odur ki, sosial vəziyyəti yaxşı olan əlillərə müavinətlərin verilməsinin dayandırılacağı barədə qeyd edilənlər ictimai rəyi çaşdırmağa yönəlib”.