Ana səhifə Toplum |
Rusiyanın Ural Federal Universitetinin professoru, Xarici regionşünaslıq kafedrasının müdiri Aleksandr Nesterova “Azərbaycan Dillər Universitetinin dəvətli professoru” adı verilib.
Axar.az xəbər verir ki, bu münasibətlə keçirilən iclasda çıxış edən ADU-nun rektoru, əməkdar elm xadimi Kamal Abdulla A.Nesterovun fəaliyyətindən danışıb. O bildirib ki, A.Nesterov müxtəlif ölkələrin universitetlərinin yaxınlaşması üçün mühüm işlər görür.
K.Abdullanın sözlərinə görə, A.Nesterovun rəhbərlik etdiyi Azərbaycan Dili və Mədəniyyəti Mərkəzinin fəaliyyəti daha da genişləndiriləcək.
Rektor çıxışından sonra “ADU-nun dəvətli professoru” vəsiqəsini rusiyalı alimə təqdim edib.
Buna görə ADU rəhbərliyinə dərin təşəkkürünü çatdıran qonaq Azərbaycanı çox sevdiyini deyib. A.Nesterov Rusiyada azərbaycanşünaslığın inkişaf etdiyini və artıq elmi istiqamətə çevrildiyini bildirib.
Tarix
2017.12.18 / 13:26
|
Müəllif
Aqşin Evrən
|