Prezident İlham Əliyevin bu gün verdiyi sərəncamla Elxan Hüseynov “Şöhrət” ordeni ilə təltif edilib.

Axar.az xəbər verir ki, 1948-ci il yanvarın birində Gəncədə anadan olub. 1966-cı ildə Gəncə şəhər 18 saylı orta məktəbi, 1973-cü ildə isə Azərbaycan Dövlət Universitetinin mexanika-riyaziyyat fakültəsini bitirib. 2017-ci ildən professordur.

1995-ci ildən BDU-nun beynəlxalq əlaqələr üzrə prorektoru, 1999-2002-ci illərdə isə birinci prorektor - tədris işləri üzrə prorektor vəzifələrində çalışıb.

2002-2010-cu illərdə Azərbaycanın Türkmənistanda səfiri olub. 2010-2011-ci illərdə yenidən BDU-nun beynəlxalq əlaqələr üzrə prorektoru, 2013-cü ilin avqustun 15-dən isə Azərbaycan Respublikası təhsil nazirinin müşaviri vəzifəsində işləyib.

5 mart 2014-cü ildən Sumqayıt Dövlət Universitetinin rektorudur.