Yaxın günlərdə daşıyıcısı dəyişdirilən 175 nömrəli müntəzəm marşrut xətti üzrə Bakı-Bus MMC-yə aid avtobuslar səhər saatlarından sərnişinlərə xidmətə başlayıb.

BNA-dan Axar.az-a verilən məlumata görə, artıq 175 nömrəli avtobus sərnişinləri “Bakı-Bus” avtobuslarından istifadə edəcəklər.

Qeyd edək ki, 6 yanvar tarixində Zığ şossesində 175 nömrəli marşrut avtobusu yoldan çıxaraq dərəyə aşımışdı. Bu hadisədən sonra avtobusun daşıyıcısı dəyişdirilərək, “Bakı-Bus”la əvəz edildi.

Xatırladaq ki, qəza zamanı avtobusun içərisində 20-yə yaxın sərnişin olub. Nəticədə 12 sərnişin müxtəlif dərəcəli bədən xəsarətləri almışdı.