Binəqədi rayonunda daha bir küçədə aparılan yenidənqurma işləri yekunlaşıb.

Azərbaycan Avtomobil Yolları Dövlət Agentliyindən Axar.az-a verilən məlumata görə, 945 metr uzunluğa malik Məsud Davudoğlu küçəsinin təqribən 600 metrlik hissəsində işlər tam olaraq başa çatıb.

Aparılan yenidənqurma işləri zamanı küçənin eni 7-8 metrdən 12 ortalama metrə çatdırılıb.

Vətəndaşların rahat və təhlükəsiz hərəkəti üçün yeni piyada səkiləri tikilir, mövcudları isə bərpa olunur.

Hazırda küçənin asfaltlanması işləri aparılır. Ümumilikdə yolun 10 min kvadratmetrdən çox sahəsinə 2 qat olmaqla yeni asfalt-beton örtüyü döşənir.