Ana səhifə Toplum |
Bu gün Beynəlxalq Mətbuat Mərkəzində Dünya Azərbaycanlıları Konqresinin (DAK) təşkilatçılığı ilə “Azərbaycan Xalq Cümhuriyyətinin 100 illiyi və Güney Azərbaycan” mövzusunda dəyirmi masa keçirilib.
Axar.az xəbər verir ki, dövlət himninin səslənməsi ilə başlayan tədbirdə xalq şair Sabir Rüstəmxanlı qonaqları salamlayıb. Daha sonra o, cümhuriyyətimizin şərəfli və qəhrəman tarixindən danışaraq, proseslərin Cənubi Azərbaycanda da əks-səda doğurduğunu deyib. Xalq şairi Azərbaycan Xalq Cümhuriyyəti və Cənubi Azərbaycan mövzusunun dərindən araşdırılmasını təklif edib.
Daha sonra professor, alim Əkrəm Rəhimli cümhuriyyət qurucularının adlarını çəkərək, onların ruhu qarşısında baş əydiyini bildirib. O, Məhəmməd Əmin Rəsulzadənin Güneyin də iqtisadi-siyasi inkişafında müsbət rol oynadığını qeyd edib.
Azad Demokratlar Partiyasının (AzDP) sədri Sülhəddin Əkbər, AMEA-nın üzvü Rəhim Əliyev AXC dövründə Güneydə baş verən proseslərdən danışıblar.
Tədbir iştirakçıların çıxışları ilə davam edib.
Tarix
2018.05.23 / 17:05
|
Müəllif
Nərmin Əkbərli
|